Иворъёс


Удмурт анайёсты дышетонъя медиашкола ужаны кутскиз

10.03.2020



«Аныкай» ӵектос быдэсъяськем улсын Интернетлы удмурт кылын контент кылдытонъя дышетсконъёс элькунысь 4 ёросъёсын ортчозы. Камераен ужаны, шонер но быгатыса туспуктыны, видеомонтаж лэсьтыны, SMM удысэн тодматозы но дышетозы ӧнерлыко фотографъёс, видеографъёс но медиа ӧрысь специалистъёс.
 
Ӵектос кӧня ке люкетъёслэсь кылдытэмын:
Тодон-валан-сётон – лекциос но басьтэм тодон-валанъёсты уж вылын эскерон кык нунал ӵоже кыстӥськоз, оглом 4 ёросъёсын курсъёс радъяськозы. Котькуд ёросысь 30 дышетскисьёсты кутозы.
Дистанционной – нырысетӥ пумиськонын басьтэм тодон-валанъёс вылэ пыкиськыса анайёс дорысь уж лэсьтозы – нылпиосынызы видеоматериал дасялозы но сое нимысьтыз хештегъёсын пусйыса мерлыко вотэсъёсы интыялозы.
Практикум – тужгес усто 5 ужъёслэн авторъёссы медиаконтент кылдытонъя 4 нуналъем курсъёсы пыриськыны быгатозы. Анайёс дышетскон вакытэ, нылпиос понна удмурт кылын аниматоръёсын ужрад ортчытӥськоз. Анайёслэн но нылпиослэн ӵош ужамзы выль «вузлы» пӧрмоз – ӧнерчиосын валче лэсьтэм но быдэстэм видеоблогъёс.
 
Медиашколалэн нырысетӥ пумиськонэз ортчоз Алнашын южтолэзе.


Ӵектосэз радъя «Куара» огазеяськон, Ижкарысь Эшъяськон юрт, Росси Азьмуртлэн Фондэзлэн юрттэмез улсын.