Иворъёс


Йӧскалык политикая министерствоын элькунмылэн палэназ улӥсь удмуртъёсын ужанъя кенеш кылдытэмын

05.03.2020



5-тӥ южтолэзе Удмурт Элькунысь йӧскалык политикая минстерствоын элькунмылэн палэназ улӥсь удмуртъёсын ужанъя координаци кенешлэн нырысетӥ пумиськонэз ортчиз.

2019-тӥ арын толсур толэзьын элькунамы  «Удмурт диаспора: туннэ югдурзы, шугъяськонъёссы но соосты сэрттон-пертчон амалъёс» форум  ортчиз. Ужрадэ котькуд улосысь делегациос вуылӥзы. Ӵапак татын кенешемын вал элькунмылэн палэназ улӥсь удмуртъёсын ужанъя координаци кенеш кылдытыны. 5-тӥ южтолэзе Л. Н. Бурановалэн кивалтэмез улсын кенешлэн нырысетӥ пумиськонэз ортчиз.

Пумиськонын эскеризы кенешелэсь 2020-тӥ арын ужан планзэ,  кенеш сярысь валатэтэз (положениез) но солэсь ёзчиоссэ.

Озьыен, Координаци кенеше пыртэмын Удмурт Элькунысь дышетонъя но тодосъя, физкультурая, спортъя но егитъёсын ужан политикая, йӧскалык политикая, лулчеберетъя министерствоосысь, печатья но калыке ивортодэт вӧлмытонъя агентствоысь,  Калыкъёслэн эшъяськон юртысьтызы ӧнерчиос, Вань удмуртъёслэн «Удмурт Кенеш» огазеяськонзылэн ёзчиез, Башкортостан, Татарстан элькунъёсысь но Пермь шаерысь удмуртъёслэн йӧскалык центръёсынызы кивалтӥсьёс.  

Л.Н. Буранова пусйиз, координаци кенешлэн ужпумез – элькунмылэн палэназ улӥсь удмуртъёслы Удмуртиын  ортчись пӧртэм ужрадъёсы, акциосы пыриськыны луонлык кылдытон, диаспораен котыр ласянь  пайдаё ужанэз чаклан.