Иворъёс


«Вӧйдыр» элькун шулдыръяськон

27.02.2020



1-тӥ южтолэзе 10.00 часын Можга ёросысь Нынек черкогуртын «Вӧйдыр» элькун шулдыръяськон кутскоз. Туэ шулдыръяськонлэн шорсюлмыз «мылкыд питран» луоз. Вань пыриськисьёс вожвылъяськонъёсын утэм лентаоссэс со борды керттыны но льӧль малпанзэс вераны быгатозы. Ужрадэ элькунысь муниципал кылдытэтъёсысь ыстэм муртъёсты, творчествоя коллективъёсты но вань мылкыд карисьёсты возьмало.

«Вӧйдыр» улсын пӧртэм площадкаос ужалозы: «Хороводно-заигрышная», «Детская площадка», «Масляничные потехи», «Молодецкие забавы», «Покатушки на ватрушках», «Взятие ГОРЫ-ныча», сиён-юонлы сӥзем площадка, интыысь кибашлыослэн ужъёсынызы вузкарон ярмарка. Куноослы вашкала урам шудонъёсын шудыны, юбое, гурезе тубаны, гурезьысь нискыланы ӵектозы. Озьы ик «Вӧйдыр» сульдэръёсты сутозы.

Люкаськемъёсты фольклор кырӟанъя но эктонъя «Айкай» удмурт кун театр шулдыртоз

Праздникез 12 часын сӥё-дано усьтозы, 15 часын Масленча сульдэрез сутозы. 

Ивор басьтэмын Удмуртия ИА-лэн бамысьтыз.