Иворъёс


«МатрешкаFEST» йӧскалыккуспо фестивале пыриськыны ӧтё Ижкарын улӥсьёсты 12-тӥ инвожое

06.06.2019



12-тӥ инвожое, Карлэн нуналаз, Иж тымет дурын 12 часысен 18 часозь «МатрешкаFEST» йӧскалыккуспо фестиваль ортчоз. Со сярысь «ВКонтакте» мерлыко вотэсысь «Ижкарлэн нуналъёсыз»  огинын ивортэмын.

Шулдыръяськонлэн валтӥсь героез матрёшка луоз – XIX даур пумын Россиын паськыт вӧлмем яркыт пу мунё. Со Россиысь но Удмуртиысь калыкъёсты огазеясь пус выллем луэ.

Фестивале люкаськемъёсты лулчеберетъя йӧскалык огазеяськонъёс шулдыртозы, йӧскалык пӧрамъёсын тодматозы-куноятозы, калык киужъёслы дышетозы, озьы ик соос понна спортъя калык шудонъёс, матрёшкаосты бичан-сэрттонъя турнир радъялозы, йӧскалык матрёшкаосты но матрёшка-клумбаосты суредан ужрадэ кыскозы.

Фестиваль улсын сеьмяослы селфи-вожвылъяськон ортчоз. Вань нылпиослы яркыт аквагрим лэсьтозы. Со сяна, дӥсьёсын туала коллекциосты возьматозы.

Туэ нырысьсэ фестивалез радъясьёс матрёшкаосты Удмуртиын улӥсь калыкъёслэн дӥсьёсынызы дӥсялозы. Озьы удмурт, бигер, узбек, армян матрёшкаос кылдозы

Тодэ вайытом, 2019-тӥ арын Карлэсь нуналзэ Ижын куинь нунал пусъёзы. 12-тӥ инвожое Ижкарлэн но Россилэн нуналаз Удмуртилэн шоркараз Кристина Орбакайте кырӟалоз (0+). Карлэсь нуналзэ пусъён ужрадъёслэн пуштросэнызы пыр-почгес татын тодматскыны луэ.

https://udmurt.media/udm/news/obshchestvo/57582/