Иворъёс


Кезын «Пест-фестлы» дасясько

15.04.2019



18-тӥ куартолэзе Кез каргуртын «Пест-фест» ортчоз.  Кезъёс пешникез данъяса туэ 4-тӥзэ фестиваль радъяло ни.

Куартолэзь ӵапак пешник октон вакыт, солэсь пӧртэм пыжиськемъёс но пӧраськемъёс лэсьтон. Та нуналэ Кезын шулдыръяськон-шудон ужрадъёс ортчозы.

«Шуд арганэ, жингырты, такмак» конкурсэ возьмало арганэн усто шудӥсьёсты но такмакъёс кырӟасьёсты. Озьы ик дӥськутъя дизайнеръёс куспын но вожвылъяськон луоз. «Коштан пешникез» быръёзы. Усто пӧраськисьёс уйпал удмуртъёслэсь сиён-юонъёссэс дасян устолыксэс эскерозы.  Фестивале возьмало бард кырӟасьёсты но. Нош егит калык понна квест ортчоз.

Туэ кезъёс фестивальзэс каргурт кылдэм дырысен 120 ар тырмонлы но ёрослэн 90 аръем  дырпусэзлы сӥзизы.