Иворъёс


Йӧскалык политикая министерствоын вашкала сям-йылолъёс шоры выль сямен учко

08.02.2019



Удмуртиын сяме пыӵам шулдыръяськонъёс мукет форматэн ортчылозы. Со сярысь вераз йӧскалык политикая министр Лариса Буранова этнопресс-клублэн кенешоназ 6-тӥ тулыспалэ. Ужрад Калыкъёслэн Эшъяськон юртазы ортчиз. «Дыр вуиз юан пуктыны – мар понна ортчытӥськом ужрадъёсты? Нырысь ик со луыны кулэ турпродукт. Басьтом «Герберез». Озьы, кызьы со ортчытӥське ини 20 ар ӵоже – вужмиз. Огшоры шулдыръяськон калыклы кулэ ӧвӧл ни, мар ке но выльзэ пыртоно. Ӵапак со сярысь малпаськыны дыр вуиз», — вераз Лариса Буранова. Та нуналъёсы «Гербер», «Сабантуй» но мукет праздикъёслэсь аспӧртэмлыко стильзэс кылдытон бордын дизайнъя центрен уж мынэ. Озьы ик министр пусйиз, элькунын кылдытыны кулэ пӧртэм фестивальёсты ар ӵоже дасясь, радъясь огазеяськон.