Иворъёс


Ижын нош ик ортчоз Пельняньлы сӥзем фестиваль

28.01.2019



 1-тӥ-9-тӥ тулыспалэ Удмуртиын ортчоз «Пельняньлэн калыккуспо нуналэз» 5-тӥез фестиваль. Таяз арын со «Выль сямен» нимын ортчоз.

Вань вылез — со кемалась вунэм вужез. Одӥг йылол но, мадёс но, рецепт но уг ышы, соос воштӥсько но егитъёслы валамон выль тусын туалае вуо.

Кылсярысь, «Синучкон» ужрадын 20 ар талэсь азьло яке эшшо азьвылгес лэсьтэм туспуктэмъёсты туала сямен возьматыны луоз.

«Егит дыръяд экты» марафонлы эктон дасямын луоз. Ӟечъёсыз возьматӥськозы Шор площадьын. Марафонэ мукет улосъёсысь адямиос но пыриськыны быгато — со понна эктонэз видеое пуктоно.

«Выль история» мастер-классын пельняньлы укшась сиён-юонъёс пӧралозы.

«Семьялэн ужез» мастерскойёсын егитъёсты киужлы — черсыны, чыртывесь лэсьтыны, пуэз чеберъянлы, горд сюйлэсь арбериос лэсьтыны — дышетозы.

15-тӥ толшорысен «Юмшан» но «Рэпушки» проектъёсы пыриськон понна заявкаос ыстыны луэ. «Юмшан» проект улсын Ижкарысь пӧртэм интыосын вашкала удмурт шудонъёсын, калык кырӟанъёсын, сям-йылолъёсын тодматозы. Шулдыръяськон интыез Ижкарын улӥсьёс ӵектозы — со азбар яке стадион луыны быгатэ. Со понна 25-тӥ толшорозь  www.pelmenfest.ru сайт пыр заявка келяно.

«Рэпушки» фестиваль вашкала но туала крезьгурлэсь тупамзэс возьматоз. Отчы калык кырӟанъёсты быдэстӥсьёс — нимаз яке коллективен — пыриськыны быгато. Конкурс 2 этапен ортчоз. 1-тӥ тулыспалозь 2 кырӟан быдэстоно. Калык гуръёсты вашкала сямен яке рэп амалэн кырӟано, сое видеое пуктоно но фестивальлэн «ВКонтакте» вотэс бамаз интыяно яке info@pelmenfest почтае келяно. Жюри но калык быръёз, кин ӟечгес, 9-тӥ тулыспалэ гала-концерт ортчоз. Соку ик такмак но рэп быдэстӥсьёс куспын вожвылъяськон — баттл — луоз.

Фестивальлэн радъяськеменыз пыр-поч тодматэ www.pelmenfest.ru сайт.

https://vk.com/udmdunne