Иворъёс


Удмурт кыллы сӥзем нунал

23.11.2018



Красильниковлэн музей-квартираез со нуналэ удмурт кылын дунтэк  экскурсиос радъялоз.

Удмурт йӧскалык театр студентъёс понна  ӥ«Васьлей» нимо премьераезлэсь усьтэм репетицизэ ортчытэ, озьы ик соосты  театрлэн катанчи сьӧрын улон – вылонэныз тодматыны чакла.

Удмурт кун универоситетын 27-тӥ шуркынмонэ Карл Пономарёвлэн «О судьбе удмуртского народа» нимо книагеныз тодмасткон луоз.

Йӧскалык лыдӟиськонниын шер пумиськись удмурт книгаосты возьматозы.

Уно  пӧртэм пумиськонъёс, акциос, удмурт мультфильмъёс но кино возьматонъёс ортчытоз Кузебай Герд нимо йӧскалык гимнази.

Озьы ик асьсэ ужрадъёсазы пыриськыны отё удмурт изданиос: «Кенеш» журнал но «Удмурт дунне», «Ӟечбур» газетъёс.

Удмурт кун филармониысь «Шулдыр ӝыт» ансамбльысь кырӟасьёс мастер- класс возьматозы Кузебай Герд нимо нылпи садысь пиналъёслы.

Чеберлыко киужъёсъя элькун центр ортчытоз «Быжтэм парсьпи» визьсынан шудон.

Тодады вайытом, Удмурт кыллэн нуналыз туэ нырысьсэ радъяське. Кичӧлтонэн потӥз «Удмурт кенеш» огазеяськон. Удмурт кыллэн нуналыз пусйиськоз ваньмаз ик ёросъёсын но каръёсын, озьы ик Москваын, Венгриын, Польшаын.

http://www.myudm.ru/