Иворъёс


Ижкарысь эмтодос академиын дышетскись ныл «Татар кызы-2018» вожвылъяськонын вормиз

08.06.2019

Удмуртиысь студентка Диляра Гильмутдинова «Татар кызы-2018» росси вожвылъяськонлэн вормисез луиз. Отчы 3 кунъёсысь но 11 улосвылъесысь 14 бигер нылъёс пыриськизы.

 

 

Чеберайёслы бигер йӧскалык сиён-юон дасяны, бигер такъя – калфак – вурыны косӥзы. Со сяна нылъёс крезьгуро номер пуктӥзы, этнодефиле возьматӥзы но бигер калыклэн историезъя жюрилэн юанъёсызлы валэктонъёс сётъязы.

Тужгес но чебер, визьмо луиз Ижкарысь кун эм академиын 5-тӥ курсын дышетскись Диляра Гильмутдинова.

Нылаш Ижкаре Набережные Челны карысь дышетскыкны шуыса лыктӥз.

Вормисьлы Златоуст карысь кибашлыосын быдэстэм корона сётӥзы но автомобиль кузьмазы.