Иворъёс


Бадӟым этнографи диктант

29.10.2018

Акцие пыриськыны быгатэ котькуд мылкыд карись адями, арлыдэз, йӧслыкез, дышетскемез, улон интыез лыдэ басьтытэк.  

Диктант Россиын улӥсь калыкъёс сярысь тодон-валанэз эскерыны луонлык сётэ, этнография тодослы саклык висъя (ӵапак та тодос  йӧскалык кусыпъёсты радъянын валтӥсь инты басьтэ). 

Диктантын огъя 30 юан луоз, соос пӧлысь 20-ез огъя Россиысь калыкъёс сярысь, нош 10-эз элькунэнымы герӟаськемын. Диктантэз гожтон понна 45 минут сётӥське. Валэктонъёс понна оглом 100 балл басьтыны луэ.

Юанъёслы шонер валэктонъёс ужрадлэн вотэсбамаз www.miretno.ru 10-тӥ шуркынмонэ пуктэмын луозы, нош баллъёс тодмо луозы  12-тӥ толсуре.   

Ужрадэ пыриськон понна нимысьтыз радъям площадкае вуоно. Соослэсь интыяськемзэс шедьтыны луоз www.miretno.ru вотэсбамысь но Йӧскалык ужъёсъя федерал агентстволэн http://fadn.gov.ru нимлыко вотэсбамысьтыз, мерлыко вотэсбамъёслэн «Бадӟым этнографи диктант» огинъёсысьтызы.

2018-тӥ арын диктант гожтыны 1567 площадка радъямын луоз. Тужгес но трос соос Удмуртиын (216) но Чечняын (137).

Нимысьтыз радъям интыыосы мынын луонлыкты ӧвӧл ке, ужрадлэн  нимлыко сайтаз www.miretno.ru диктантэз онлайн амалэн 2-тӥ шуркынмонысен (10:00 мск) 5-тӥ шуркынмонозь (10:00 мск) гожтоныны луоз.  

Тодады вайытом, 2015-тӥ  арын «Бадӟым этнографи диктант» Огъяросси акциез  ортчытыны кичӧлтон сётӥз  Удмурт Элькунысь йӧскалык политикая министерство. 2017-тӥ арын акция калыккуспо луиз, ужрадэ Россиысь улосвылъёс сяна, СНГ-е пырись Киргизия, Таджикистан, Молдова но мукет кунъёс итӥськизы. Кылем арын 2600 площадкаын  тодон-валанзэ 367 сюрс адями эскериз. 

Ӵектос быдэстӥське Президент грантъёслэн фондзылэн юрттэменыз. Акцилэн партнёръёсыз луо Россотрудничество но Россия Федерациысь кунгож сьӧрысь ужъёсъя министерство.  Акциез радъясьёс: Россиысь ФАДН, Удмурт Элькунысь йӧскалык политикая министерство,  «Удмуртиысь калыкъёслэн ассамблеизы» улосвылысь мерлыко огазеяськон. 

«Бадӟым этнографи диктант» калыккуспо акция сярысь пыр-поч тодыны луоз www.miretno.ru вотэсбамысь.

ВКонтакте: https://vk.com/miretno

Электрон почта: info@miretno.ru

Акцилэн пресс-секретарез: Ксения Стрелкова, +7 (982) 126-64-38; e-mail: kse-strel@yandex.ru.