Иворъёс


Элькунмылэн палэназ улӥсь удмуртъёс Ижкаре люкаськозы

17.10.2018



19-тӥ коньывуонэ Калыкъёслэн Эшъяськон юртазы  «Россия Федерацилэн улосъёсаз удмурт движение: ужпумъёс но азинтыны луонлыкъёс» нимо форум радъяськоз.

Форумлэн валтӥсь меретэз – калыкмылэсь кылзэ, лулчеберетсэ, сям-йылолъёссэ утён но азинтон вылысь элькунмылэн палэназ улӥсь удмуртъёс пӧлын  удмурт движениез улӟытон. 

Ужрадэ Башкортостан, Татарстан, Марий Эл элькунъёсысь, Пермь, Свердловск, Киров улосъёсысь удмуртъёслэн мерлыко огазеяськонъёссылэн кивалтӥсьёссы но ёзчиоссы, удмурт гуртъёслэн но ёросъёслэн кивалтӥсьёссы,  дышетӥсьёс но школаослэн директоръёссы пыриськозы . Огъя 80-лэсь трос адями люкаськыны кулэ.  

Форумлэн Программаез:

10.00-11.00 – Пусйиськон

11.00-11.40 – Пленарной заседание

12.00-14.00 – Секциослэн ужзы

«Кык кылын дышетон: ужпумъёс но амалъёс» секци  (модераторез–  Татьяна Волкова, К. Герд нимо удмурт кун гимназилэн кивалтӥсез, Кыккылолыкъя «Билингва» удмурт центрлэн кивалтӥсез);

«Егитъёслэсь ӵектонъёссэс быдэстон» секци (модераторез–  Алина Чернова, Удмурт егитъёслэн «Шунды» мерлыко огазеяськонзылэн тӧроез, Калыкъёслэн Эшъяськон юртысьтызы методист);

«Вашкала сям-йылолъёсты утён удысын клубъёслэн интызы» секци (модераторез – Пётр Данилов, Фольклор кырӟанъя но эктонъя «Айкай» удмурт кун театрлэн кивалтӥсез);

Гурт тӧроосын котрес ӝӧк (Флюра Чибышева, Камсьӧр удмуртъёслэн йӧскалык центрзылэн кивалтӥсез).

Ватсаса юалляськоно таӵе телефонъёсъя:

(3412) 63-10-44 — Ольга Степанова, Калыкъёслэн Эшъяськон юртысьтызы йӧскалык кусыпъёсъя ёзэтэн кивалтӥсь;

(3412) 63-10-43 — Флюра Чибышева, Камсьӧр удмуртъёслэн йӧскалык центрзылэн кивалтӥсез.