Иворъёс


Огреч сылалтыны дышетозы Вотка ёросын

01.08.2018



04 -тӥ гудырикошконэ Вотка ёросын Перевозное черкогуртын ӟуч калыклэн огреч сылалтон сямъёсызлы  но сиён-юон пӧран устолыкезлы сӥзем «Перевозинский засольник» элькун шулдыръяськон ортчоз. Ужрадэ элькунысьтымы но бускель улосъёсысь тужгес но устоосыз огреч сылалтӥсьёс люкаськозы .

 Шулдыръяськонлэн  радэз:

10.00 — 10.30 — Куно пумитан;

10.00 – 15.00 — Бакча сиёнъёсты но емышъёсты чеберъяса вандылонъя, куиськонъя, калык мунё лэсьтонъя, тусьты-пуньыосты чеберъянъя но мукет мастер-классъёс;

11.00  – 12.00 —  Шулдыръяськонэз сӥё-дано усьтон, Вотка ёросысь коллективъёсын дасям концерт;

12.00 — 15.00 — Бакча сиёнъёсты сылалтонъя мастер-класс;

15.30 – 16.00 — Шулдыръяськонэз йылпумъян.

Вакчияк шулдыръяськон сярысь.

Нырысьсэ «Перевозинский засольник» шулдыръяськон 2014-тӥ арын радъяськиз.  2016-тӥ арын ужрад сӥземын вал Перевозное черкогуртлэн 315 ар тырмонэзлы, 2017-тӥ арны шулдыръяськон  сиён-юонъёслы сӥзем Россиысь тужгес но устоосыз 10 ужрадъёс пӧлы пыртэмын.

Ватсаса юалляськоно: (3412) 63-10-36, Сомова Елена Вячеславовна, Удмурт Элькунысь ӟуч лулчеберетъя огазеяськонлэ ёзчиез.