Иворъёс


Удмуртие Азербайджанысь делегация вуоз

24.07.2018



Азербайджанысь делегация Удмуртиын 25-тӥ пӧсьтолэзьысен  29-тӥ пӧсьтолэзёзь луоз. Кивалтоз делегациен Азербайджанысь тодосъя йӧскалык академилэн вице-президентэз, Азербайджанысь Йӧскалык Меджлисысь депутат, Низами нимо литературая институтлэн кивалтӥсез Иса Акпер-Оглы Габиббейли. Соин ӵош элькунамы вуозы Азербайджанысь каткылдытӥсь собраниысь  но Прессалэн Кенешысьтыз  быръем адямиос.

Куноослэн программаязы чакламын Удмурт Элькунысь Кивалтэтлэн Тӧроезлэн нырысетӥ воштӥсеныз Александр Свининэн, Удмурт Элькунысь Кун кенешлэн Президиумезлэн ёзчиосыныз, Удмурт Элькунысь йӧскалык политикая министрен Л.Н Бурановаен пумиськонъёс. Азербайджанысь тодосъя йӧскалык академия но Эскеронъёсъя федерал удмурт центр куспазы вачеужан сярысь огъякыл гожтозы, нош Удмуртиысь журналистъёслэн огазеяськонзы но Азербайджанысь Прессалэн Кенешез вачеужан сярысь меморандум гожтозы.

Куноос Ижкарысь Вормонлы сӥзем скверын ялан ӝуась тыл доры сяська понозы, Брангуртысь песянайёсын пумиськозы, Сарапул каре вуозы.