Иворъёс


Санкт-Петербургын но Гербер ортчоз

18.07.2018



28-тӥ пӧсьтолэзе Санкт-Петербург карын,  «Озеро Долгое» паркын,  нырысьсэ  «Гербер»  шулдыръяськон ортчоз.

Та нуналэ куноос понна пӧртэм площадкаос ужалозы. Одӥгаз  азбарын  удмурт калык сиён-юонъёсын утялтозы. Мукетаз – шулдыр мылкыд кузьмалозы Удмурт Элькунысь лыктэм фольклор ансамбльёс но нимаз кырӟасьёс, Мускоысь но Санкт-Петербургысь артистъёс. Озьы ик радъямын луоз Удмурт Элькунысь но Ленинград улосысь кибашлыослэн ужъёсынызы адӟытон-вузкарон.

Ужрадъясьёс: Санкт-Петербургысь йӧскалык кусыпъёсъя но кӧчылон политикаез быдэстонъя комитет, Удмурт Элькунысь йӧскалык политикая Министрество, СПБ ГКУ «Удмурт Кенеш» ассоциацилэн Санкт-Петербургысь но Ленинград улосысь ёзэтэз,  Санкт-Петербургысь йӧскалык юрт, Калыкъёслэн Эшъяськон юртсы, Санкт-Петербургын улӥсь удмуртъёслэн «Италмас» огазеяськонзы.