Иворъёс


Удмуртъёслэсь "генетической портретсэс" кылдытон вылысь эскерон ортчоз Ижкарын

06.07.2018



Эшъёс!

Москваысь Медико-генетической тодослыко центр Евразилэн уйшор палаз улӥсь калыкъёслэсь генетической историзэс но соослэсь дунне вылэ вӧлмемзэс эскере.

Кызьы ортчытӥське эскерон?

Эскеронэ пыриськисьёслы ДНК анализ лэсьтӥське. Отысь висъясько эскероно калыклы тупась тужгес но ӵем пумиськись генъёс. Со генъёс калыклэсь огъя «генетической портретсэ» кылдыто. Эскерон ортчытыку нимысьтыз пусйиське на адямилэн куэзлэн  но синъёсызлэн буёлзы, тусыз пуктӥське. Таиз юрттэ кылдытыны калыклэсь огъя антропологической портретсэ.

Та дырлы тодослыко центр троссэ Россиысь калыкъёсты эскериз ни, соос пӧлын куд-ог финн-угор калыкъёс но.

 Пӧсьтолэзе таӵе эскерон ортче Удмурт шаерын.  Туж ӧтиськом эскеронэ  пыриськыны 18-55 аресъем горд/кельыт йырсиё удмурт пияшъёсты но воргоронъёсты. Витиськом Тӥледыз 10-тӥ пӧсьтолэзе 16.00 часысен 20.00 часозь Калыкъёслэн Эшъяськон юртазы (Ижкар, Орджоникидзе ур., 33а, 2-тӥ этаж, конференц-зал).

 Лыктэменыды Тӥ туж юрттысалды удмурт калыклэсь генофондзэ азьланяз эскеронлы!

 P.S. Генетической анализлэн результатъёсыз эскероно муртъёслы дунтэк сётӥськозы

 Юанъёсын вазиськыны луэ: Пислегин Николай Викторович, +7 (904) 314 64 61