Иворъёс


Удмуртилэн кунлык басьтэмезлы 100 ар тырмонэз пусъён сярысь

23.05.2018



23-тӥ куартолэзе Удмуртилэн премьер-министрез Ярослав Семенов Удмуртилэн кунлык басьтэмезлы 100 ар тырмонэз пусъёнлы сӥзем совещание ортчытӥз.

Та дырлы оргкомитетэ  Ужрадъёслэн планазы пыртон понна  60-лэсь ятыр ӵектонъёс вуэмын. Концепцизыя вань ужрадъёс сӥземын  элькунлэсь кылёссэ, солэсь йӧскалык тодметсэ утьыны но азинтыны.

100 арез пусъён бордын ужась группалэн ёзчиосыз мерлык удысысь ужъюртъёсты тупатъян но ӝутон, синпель луись кузьымъёсты вӧлмытон, ивортодэт кампаниез радъян сярысь юанъёсты эскеризы. Таӵе но юанъёс ӝутэмын вал: Удмуртилэн кунлык басьтэм дырысеныз 100 ар тырмонэ Ижкаре удмурт песянайлы синпелет пуктон, Удмуртилэсь нуналъёссэ Россия Федерациысь Федераци Кенешын, Кун думаын но Мерлыко палатаын ортчытон.   

Удмурт Элькун Тӧролэн но Кивалтэтлэн  Администрациенызы кивалтӥсь Сергей Смирнов нимысьтыз саклык висъяз на:  котырес лыдпуслы сӥзем ужрадъёсты орчытон понна гинэ ортчытоно ӧвӧл, соослэн  пайдазы шӧдскыны кулэ экономика но мерлык удысъёсын. Кылсярысь, калыклы кулэ луись выль ужъюртъёс ӝутоно федерал инвистициосты кыскыса.  

 Тодады вайытом, Удмуртия кунлык басьтэмез дырысен 100 арзэ пусъёз 2020-тӥ арын. Та ужрадэз дасяны нимысьтыз Оргкомитет но ужась группа 2017-тӥ арын кылдытэмын но юнматэмын Удмурт Элькун Тӧролэн "Удмуртилэн  кунлык басьтэмезлы 100 ар тырмонэз  пусъён сярысь"  Указэн (2017-тӥ ар, 4-ӥ пӧсьтолэзь).