Иворъёс


Бадӟым удмурт диктант акцилы йылпумъянъёс дась

26.04.2018



Туэ Бадӟым удмурт диктантэз 2 но ӝыны сюрс адями гожтӥз. 500-лэсь тросэз – «Мынам Удмуртие» радио пыр. Тужгес но бадӟымзэ - 100 балл - люказ 85 мурт. 

Удмурт кылын шонер гожъяськыны быгатэмез эскерон туэ сизьыметӥзэ радъяськиз ни. Нырысьсэ Удмуртиын но солэн палэназ нимысьтыз интыос кылдытэмын вал. 90-лэсь трос площадкаос шаерамы ужазы. Элькунлэн палэназ улӥсьёс 24 интыын гожтӥзы.

Вера йӧскалык политикая министерствоысь ӧнерчи Елизавета Ложкина: «Чакламъёсъя,диктант гожтонэ 35-60 аресъемъёс тросгес пыриськизы. Соос 40,7%. Пиналъёсты ке верано, со 10 аресозь пиналъёс 25 мурт. Озьы ик учкемын вал 10 аресысен 14 аресозь пиналъёслэн лыдзы, 15-сен 17 аресозь но 18 аресысен 35-озь -со оглом 47 % пала луизы. 80-лэсь трос мурт диктантэз гожтӥз 100 баллы. Кылем арын сярысь визьпогъёс туэ тросгес вал».

«Мынам Удмуртие» радио пыр гожтэмъес пӧлысь 100 балл бичась муртъёс 6 кузя. Огъя йылпумъянъёс интыямын «Мынам Удмуртилэн» нимлыко сайтаз. Отысь ик тестэз но шедьтыны луэ.

«Диктан гожтэмъёсты туж сюлмаськытэ на эшшо одӥг юан — сертификатъёс. Сыӵе
амал бырйимы – оштолэзе-куартолэзе  электрон сертификатъёс келямын луозы, — вераз Елизавета Ложкина. — Нош 80 балл но солэсь троссэ люкамъёслы бумага сертификатъёс сётъялозы. Соосты инвожое басьтыны луоз йӧскалык политикая министерствоысь».

Ивор кутэмын татысь:http://www.myudm.ru/