Иворъёс


«Пельняньлэн дунневыл нуналэз» фестиваль «Серебряный Лучник» — Приволжье» премиез утӥз

27.01.2017



27-тӥ толшоре Нижний Новогородын калыкен кусып радъян но ивор вӧлмытон удысысь «Серебряный Лучник» — Приволжье» премиез сётон ужрад ортчиз.

Жюри но люкаськем калык премилэн шорт-листаз пыртэм ӵектосъёсын тодматскизы. Вожвылъяськонэ пыриськисьёс вераны тыршизы маин туныско луэ но маин висъяське соослэн ужрадзы.

«Пельняньлэн дунневыл нуналэз» фестиваль, кудзэ Удмурт Элькунысь йӧскалык политикая министерство но «Творческая группа «Восемь человек» огазеяськон радъяло,  «Продвижение культуры и исторического наследия» номинациын тужгес но устоез луиз.  

Нялтас вераса, Пельняньлы сӥзем фестиваль «Серебряный Лучник» федерал премилэн шорт-листаз пыртэмын. Таизлэсь вормисьёссэ шараялозы Москваын 17-тӥ тулыспалэ.