Иворъёс


Корей калык Выль ар пусъе

25.01.2017



28-тӥ толшоре кореецъёс шундыӝужан дырпусъя Выль арез пусъёзы.

Корей калыклэн лулчеберетэзъя "Мугунхва" огазеяськонлэн ёзчиосыз но «Шинсэдэ» клубысь егитъёс Выль арез калык сямъёсъя пумитаны люкаськозы. Шулдыръяськон чаклам радъя но сям-йылолъёсъя ортчоз. Кылсярысь, «Сэбэ» йылолъя егитъёс арлыдоослы кузьымъёс кузьмало, тазалык но кема аръёс сӥзё. Мӧйыос нош егитъёслы кӧня ке коньдон сёто, бӧрысь пиналъёс солы кузьым басьтозы. Ӝытбыт чузъяськозы корей кырӟанъёс но кылбуръёс. «Шинсэдэ» клубысь «Ариран» коллектив шулдыртоз эктонъёсын. Нош утялтозы куноосты  ческыт, аспӧртэмлыко калык сиёнъёсын.