Иворъёс


Шахматъя турнир

24.01.2017



28-тӥ толшоре Калыкъёслэн Эшъяськон юртазы, Удмурт Элькунысь йӧскалык политикая министрез В.Н. Завалинэз буре вайыса, шахматъя турнир радъяськоз. Ужрад кутскоз 10.30 часэ.  

«Таӵе турнирез ортчытон сямлы пӧрме ини. Пӧртэм лулчеберетъёслэн, пӧртэм арлыдо адямиослэн пумиськонзы но вачеужзы калыкъёс куспын диалог радъяны ӟеч луонлыкъёс кылдыто» – валэктэ Удмурт Элькунысь йӧскалык политикая министр Л.Н. Буранова.

Турнирлэн одӥгез ужпумез - шахматэн шудӥсьёс пӧлысь тужгес но кужмооссэ шараян. Ӵошатскон радъяське ФИДЕ-лэн (Шахматъя калыккуспо федерация) куронъёсызъя. Та спортын кужымзэс эскерыны ӧтемын мерлыко огазеяськонъёслэн командаоссы. Котькудаз командаын 3 адями луыны кулэ. Команда, кудӥзлэн шудӥсьёсыз тросгес очко люказы, вормисе потэ. Вормисьёсты пусъёзы медальёсын, кубокъёсын, дипломъёсын но дуно кузьымъёсын. Кужмоосыз шахматистъёс озьы ик дипломен но кузьымен пусъемын луозы.