Иворъёс


«Зарни пельнянь-2017»

11.01.2017



Сиён-юонъёслэсь ӟечлыксэс пусйись «Зарни пельнянь-2017» преми понна вожвылъяськонэ пыриськыны заявкаосты кутон азьланьтӥське.

Преми сиён-юонъёслэн ӟечлыксылы сӥзем вожвылъяськонлэн кузьымез луэ. Сое сёто сиён-юон индустриын вормонъёс понна, йӧскалык сиёнлэсь бренд кылдытон но сое вӧлмытон понна, вылӥ ӟечлыко сиён-юон поттон понна. Таӵе вожвылъяськон арлы быдэ «Пельняньлэн дунневыл нуналэз» фестиваль улсын ортче.

Вормисьёс куинь ӧръя быръемын луозы:

— Калыкез вылӥ ӟечлыко сюдон  (кафе, ресторан);

— Вылӥ ӟечлыко сиён лэсьтӥсьёс (пельнянь но сое кутыны кулэ луись сиёнъёс);

— Вылӥ ӟечлыко йӧскалык бренд  (йӧскалык сиёнъёс).

Вормисьёсты быръёнэ пыриськыны быгатэ котькуд мылкыд карись. Тӥляд куарады туж кулэ вожвылъяськисьслы. Соин ик эн кариське палэнэ, мылысь-кыдысь пыриське ужрадэ.

Тодады вайытом, 2017-тӥ арын Фестиваль ортчоз 11-тӥ тулыспалэ Ижкарысь шор площадьын. Фестивальлэн девизэз «Ми рекордэ потӥськом!».

Справка: «Пельняньлэн дунневыл нуналэз» фестиваль ортче арлы быдэ Удмурт Элькунын. Валтӥсь мугъёсыз: улосвыллы ӟеч имидж кылдытон, элькунмес тодмо карон, удмурт лулчеберетэз волмытон.

Ватсаса ивортодэт басьтыны луоз фестивальлэн нимлыко бамысьтыз: http://pelmenfest.ru/