Ӟучъёс

Ӟучъёс (аснимзы – русские) – Россиысь но европаысь тужгес но бадӟым лыдъем калык. Пазьгиськемын соос быдэс дуннее. 2002-тӥ арын ортчем лыдъянъя Россия Федерациын уло 115 889, 1 ӟучъёс (странаын улӥсьёслэн 79,8%-эз).

2002-тӥ арын ортчем лыдъянъя Удмурт элькунын уло 944 108 ӟучъёс (элькунын улӥсьёслэн 60,1%-эз). Тросэз соос пӧлысь каръёсын уло.

Воткакарын – 83,1% улӥсьёс  ӟуч луо;

Сарапул карын – 82,2%-эз;

Ижкарын –70,6%-эз;

Глазкарын –57,4%-эз

Можгакарын – 54,9%-эз;

Гуртъёсын улӥсьёсты ке басьтоно, 39,4%-эз ӟучъёс луо. . Элькунамы тужгес но трос ӟучъёс уло Вотка, Каракулино, камбарка но сарапул ёросъёсын:

ТАБЛИЦА

Ӟуч кыл индоиран кыл семьялэн восточнославянской огъетаз пыре. Гожпуслыксы кириллица луэ. Осконзыя ӟучъёс православной но старообрядецъёс луо.

Вашкала ӟуч калыклэн кылдэмез герӟаськемын IX дауре ӟуч кун – Киевская Русь – кылдэмен. IX-XI –тӥ дауръёсы словен, кривич, вятич племяос шунды ӝужан но шунды-ӝужан-уйпала Волга но Ока шуръёс куспы интыяськем улосъёсы мыныны кутскиз.  Одӥг улосын улэменызы, та племьяосысь калыкъёс куспазы сураськылӥзы, озьы татын XIII-XIV дауръёсы кылдӥз зэмос ӟуч калык. Пумен Днепр дорысь Ростово-суздальское княжествое «Русь», «Русская земля» валанъёс но вуизы. Та выл лыктэм калыкен сураськизы но соос пӧлы ышизы та улосъёсын улӥсь финн-угор калыкъёс (меря, мурома, мещера, весь но мукет). Та калыкъёслэн пытьызы кылиз ӟучъёслэн ымныр тусъёсазы, инты нимъёсы.

Ватка но кам шуръёс вискысь улосъёсы нырысетӥ ӟучъёс вуо XII-XIII дауръёсы. Соос татчы уйпалась Коми музъемысь  вуизы. Тодосчиослэн малпамзыя, «ӟуч» кыл но удмурт кылэ коми кылысь ик вуиз шуыса. Комиос та калыкез «роч» нимало. Нош комиос та кылэз асэстӥзы, луоз, прибалтийско-финн кылъёсысь, кудӥныз нималлязы финн музъёмъёсы лыктэм скандинавъёсыз. Кылсярысь, финн ruotsi, эст. roots, водск. rotsi, лив. ruots, карел. rotsi. Шунды ӝужан пала мынэмъя кыллэн пуштросэз воштӥське, саам но карел диалектъёсты та кылэн нималляло шведъёсты но ӟучъёсты но, котькинэ кин мукет музъемъсысь вуэм.