Удмурт Элькунысь йӧскалык политикая министрестволэн Коллегиез

ЮНМАТЭМЫН

Удмурт Элькунысь йӧскалык политикая

Министерстволэн Коллегиезлэн пумкылъянэыныз

27-тӥ коньывуон 1999-тӥ ар

 

Удмурт Элькунысь йӧскалык политикая министрестволэн
Коллегиез сярысь
 ВАЛАТЭТ
 
I.   Огъя валатэт
1.1 Удмурт Элькунысь йӧскалык политикая министрестволэн Коллегиез кенешон ёзэс луэ. Министерство сярысь Валатэт вылэ пыкиськыса, Министерстволэн инлыказ пырись юанъёсты эскере, соосты быдэстон луонлыкъёс утча.
            Коолегилэн инлыкъёсыз:
·   Министерстволэсь ужан планзэ юнматон;
·   Министерстволэсь коньдэтэзлэсь ӵектоссэ но коньдон быдтон сметазэ юнматон;
·   Министерствоен дасям катъёслэсь, программослэсь   ӵектосъёссэс эскерон;
·   Министерстволэсь ӧнерчиоссэ но йӧскалык-мер огазеяськонъёслэсь ёзчиоссэ Кивалтэт данъетъёсын пусйыны ӵектон;
·   Удмурт Элькунлэсь кун йӧскалык политикая Концепцизэ быдэстыку пумиськись лэчыт ужпумъёссэ эскерон;
 
II.  Коллегилэн огинэтэз
2.1. Коллегие пыро: министр (Коллегилэн Тӧроез), министрлэн воштӥсез (интыужезъя), кун быдэсъясь тӧрлыклэн мукет ёзэсъёсызлэн  но интыысь аскивалтэтлэн быръем муртъёсыз . Коллегилэн огитэтаз озьы ик пыртэмын луыны быгато йӧскалык-мер огазеяськонъёслэн ёзчиоссы, тодосчиос, калык кусыпъёсты эскерон но радъян удысын ужась ӧнерчиос.
2.2. Коллегилэн огинэтэз Удмурт Элькун Кивалтэтэн юнматӥське;
2.3. Коллегилэн кенешаз Министерствоысь одӥгез ӧнерчи секретарен бырйиське.
III.  Коллегилэн ужан планзэ
3.1. Коллегия люкаське эскероно юанъёс люкаськемъя, но кварталаз одӥг поллэсь ичигес уг.
3.2. Коллегиын эскероно юанъёсты дася министрлэн нырысетӥ воштӥсез, Коллегилэн ёзчиосызлэсь, Министерстволэн ёзэтъёсызлэн кивалтӥсьёсызлэсь ӵектонъёссэс лыдэ басьтыса. Эскерон ужпумъёсты юнматэ министр.
3.3. Коллегия ортчытон дырез министр, Коллегилэн Тӧроез, юнматэ. Солэн эрикрадэз вань Коллегилэсь дырз воштыны, Валатэтлэсь 4-тӥ ёзэтсэ тӥяса пыртэм юанъёсты куштыны.
IV. Коллегилэ кенешаз эскероно юанъёсъя ужкагазъёсты дасянлэн радлыкез
4.1. Коллегилэн кенешаз эскерон юанъёс, соосъя ужкагазъёс, ӵектосъёс  7 нунал азьпаласен дась луыны кулэ. Ужкагазъёслэн шонерлыксылы, кулэ дырлы дась луэмзлы Министретсволэн ёзэтъёсызлэн кивалтӥсьёссы кылкуто.
4.2. Коллегилэн кенешаз эскероно ужпумъёсъя ужкагазъёс Коллегилэн ёзчиосызлы тодматскон понна 3 ужан нунал азьпаласен келямын луыны кулэ, нош кенеш азьпаласен пуктэм дырын ке  уг орчытӥськы – 1 сутка азьпаласен.
4.3. Коллегилэн ёзчиосыз асьсэлэсь ӵектосъёссэс Коллегилэн секретарезлы 1 нанал азьпаласен (бергес уг яра) сётыны кулэ.  
V.  Коллегилэсь кенешсэ орчытон радлык
5.1. Коллегилэн кенешез эрикрадо луэ, куке ӝыныезлэсь трос ёзчиос люкаськемын. Пумкылъян кутэмын луэ соку, куке со понна ӝыныезлэсь трос ёзчиос куаразэс сётӥзы.
5.2. Коллегилэн кенешаз пуктэм юанъёсты эскеронэ пыриськыны быгато нимысьтыз ӧтем адямиос но, соосты ӧтен, соолэн лыдзы  понна кылкуто Министерсвоысь ӧнерчиос.
5.3. Коллегилэн кенешез йӧскалык политикая министрлэн яке солэсь одноужзэ быдэсь адямилэн кивалтэмез улсын ортче.
5.4. Коллегиын эскерон ужпумъёс но солэн радлыкез юнматӥське кенешын.
5.5. Коллегилэн ужанрадэз:
·     Докладъёс – 10 минутозь;
·     Докладъёсъя юанъёс – 5 минут;
·     Справкаос – 3 минут
Ужанрадэ кулэ дыръяз воштонъёс пыртыны луэ.
5.6. Пумъянкыллэсь ӵектоссэ эскерон-тупатон понна нимысьтыз гурппа кылдытэмын луыны быгатэ, кудаз пыро Министрествоысь ӧнерчиос, Коллегилэн куд-ог ёзчиосыз, нимысьтыз ӧтем адямиос (кенешемъя/кылтупатонъя). Ужан группаослэн кивалтӥсьёссы группалэсь ужзэ радъяло но ватсам но тупатэм пумъянкылэз вуоно Коллегилэн кенешезлыз вутто.
5.7. Коллегиын эскерем юанъёсъя протокол лэсьтӥське. Кутэм пумкылъянъёс ӵемысь министрлэн приказэныз быдэстӥсько.
5.8. Кылкутӥсь секретарен дасям протоколэ  Коллегилэн Тӧроез но кылкутӥсь секретар кинюртэмзэс пукто.
5.9. Коллегилэн пумкылъянэз кулэ интыосы келяське.
5.10.      Коллегилэсь пумкылъянъёссэ быдэстон понна министрлэн воштӥсез но кылкутӥсь секретар кылкуто.