Министерстволэн Данъянэз

Удмурт Элькунысь йӧскалык политикая 

министерстволэн Данъянэз

ЮНМАТЭМЫН

Удмурт Элькунысь йӧскалык политикая

Министерстволэн Коллегиезлэн пумкылъянэыныз

24-тӥ коньывуон 1999-тӥ ар № 4

Удмурт Элькунысь йӧскалык политикая
министерстволэн Данъянэз сярысь
ВАЛАТЭТ
 
1. Удмурт Элькунысь йӧскалык политикая министерстволэн Данъянэныз пусйисько кун тӧрлыклэн но интыысь аскивалтон ёзэсъёсын ужасьёс, мер огазеяськонъёслэн ёзчиоссы йӧскалык политика но калыкъёслэсь кусыпъёссэс юнматон удысъёсын  бадӟым уж нуэмзы понна, озьы ик котырес лыдпусэнызы сэрен. Коллектив понна котырес лыдпусэн лыдъяське: 50,75. 100  азьланяз котькуд 50 арскын; кунмуртъёслы – 50,(55) – кышномуртъёслы; 60, 70, 75 азьланяз котькуд 5 арскын;
2. Данъянэн пусйыны ӵектӥсько адямиос, кудъёсызлэн удысын ужын стажзы 5 арлэсь ичи ӧвӧл. Калыкъёслэсь кусыпъёссэс юнматонын но азинтонын бадӟым вормоннъёссы понна мер огазеяськонъёслэн ёзчиоссы, пӧртэм ужъюртъёсын ужасьёс Данъянэн пусйисько стажзэс лыдэ басьтытэк;
3. Данъянэн пусйыны кун тӧрлыклэн но интыысь аскивалтон ёзэсъёс, мер огазеяськонъёс  но мукет ужъюртъёс ужасьёсынызы  кенешыса ӵектон сёто; 
4. Данъянэн пусъёнлы ӵектон бордын таӵе ужкагазъёс луыны кулэ:· ӵектись кун тӧрлыклэн но интыысь аскивалтон ёзэсъёссылэн, мер огазеяськонъёслэн, мукет ужъюртъёслэн кивалтӥсьсылэн гожтэтэз;
· Данъянэн пусйыны ӵектэм адямилы яке коллективлы характеристика, кудӥз возьматэ калыкъёслэсь кусыпъёссэс юнматон но азинтон удысын вормонъёсты.
Ужкагазъёсты ваёно Удмурт Элькунысь йӧскалык политикая министерствое пусъён дырлэсь  толэзь азьпала.
5. Удмурт Элькунысь йӧскалык политикая министерстволэн Данъянэныз пусъён сярысь приказ лэсьтӥське. Пусъем сярысь тодэт удысужчилэн уж книгаяз гожтӥське;
6. Удмурт Элькунысь йӧскалык политикая министерстволэн Данъянэныз пусъем адямиос но коллективъёс выльысен пусйиськыны быгато кунь ар ортчыса гинэ;
7. Ӵектон сётӥсь кун тӧрлыклэн но интыысь аскивалтон ёзэсъёслэн, мер огазеяськонъёслэн, мукет ужъюртъёслэн учкемзыя, Удмурт Элькунысь йӧскалык политикая министерстволэн Данъянэныз пусъем адямос нимысьтыз коньдонэн но пусйиськыны быгато. Премия уждунлэн тужгес пичи быдӟалаезлэсь куинь полы бадӟымгес луыны кулэ.
8. Данъянэн калык азьын пусъе Удмурт Элькунысь йӧскалык политкая министр яке, солэн косэмезъя, Удмурт Элькунысь йӧскалык политикая министерстволэн ӧнерчиез.